Metropola da la natira.
Strategia da la marca
Particularitads dal Grischun.
Idea da la marca
Il Grischun è l'in cun l'auter e l'in en l'auter da natira, cultura e progress. Ord cuntrasts captivants faschain nus tratgs cuminaivels motivants. La vasta diversitad vegn percepida sco in'unitad spessa. Noss origin cultivain nus tar in avantatg per generaziuns. Uschia interpretain nus il maletg da la metropola da nov, innovativ e confurm al temp. Da la mamma Natira, raffinà da Grischunas e Grischuns. Marca graubünden. La metropola da la natira Grischun.
Co il Grischun sa profila.
Champs tematics da la metropola da la natira
La noziun «metropola da la natira» stat per la spessa purschida d'auta qualitad d'experientschas en la natira e da la cultura che caracteriseschan e distinguan il Grischun e che sa differenzieschan da la concurrenza. La metropola da la natira vegn realisada cun projects da profil cun gronda visibilitad, en champs tematics da gronda relevanza sociala. Il Grischun na vul betg vegnir percepì mo sco populara destinaziun da vacanzas, mabain er sco lieu innovativ, degn da viver e polivalent cun la meglra ballantscha da veta-lavur.
Viver & lavurar
Auta qualitad da viver, digitalisaziun e las caracteristicas dal «new work» fan ch'il Grischun in «third place» alpin e in lieu ruassaivel per l'economia da la savida.
Innovaziun & talents
La digitalisaziun, novs models da lavur ed interpresas innovativas creeschan schanzas per novas plazzas da lavur. La concentraziun e la coordinaziun da mesiras da recrutaziun meglierescha l'affluenza da persunal spezialisà qualifitgà.
Furmar & perscrutar
Grazia ad instituziuns da perscrutaziun e da furmaziun renconuschidas sin plaun internaziunal sco er grazia ad in ambient favuraivel dals custs s'etablescha il Grischun sco part cumplementara da la rait metropolitana.
Definir da nov sanadad
Ultra da la medischina definescha en l'avegnir la moda da viver da l'uman la muntada da sia sanadad. Trenament, recreaziun, tgira e terapia sun las quatter pitgas fundamentalas da la sanadad cumplessiva.
Nova ecologia blaua
L'ecologia blaua metta l'accent sin in'efficacitad cumplessiva tar la producziun ed il diever d'energia. I va per l'ambient e per l'optimaziun creada da l'uman. La tecnologia creescha novas pussaivladads per ina vita che respecta l'ambient.
Total local
En il sectur dal giudiment e da l'aventura ha «total local» la finamira d'ina qualitad extraordinaria, en la quala i na vegn betg importà da pajais lontans, mabain chattà sin il lieu. Quai cumpiglia in'enclegientscha da stagiunalitad dal tuttafatg nova.
Turissem glocal
Cun agid da purschidas da nischa sco la cultura, il wellness e la sanadad tira il Grischun a niz sistematicamain ils potenzials dal turissem da tut onn e la varietad da sias purschidas turisticas. La regiun profita qua da la dumonda creschenta per autenticitad, regiunalitad e per nuncunfundibladad.
Mobilititad intelligenta
Respargns da temp e da custs per ils utilisaders da las vias e purschiders da servetschs grazia a la colliaziun digitala ed a l'elavuraziun d'infurmaziuns da mobilitad. Diever da sistems da viagiar autonoms per il turissem ed ils abitants, traffic public e traffic motorisà individual.
Avair ina clara tenuta.
Valurs fundamentalas da la marca
vair
graubünden va sia atgna via e metta cun confidenza tendenzas da mussavia. graubünden è in cuntramodel vital per la disneyficaziun da regiuns da vacanzas. graubünden evitescha kitsch e porscha als abitants ed als giasts in spazi d'experientschas real, original e nunartificial.
viscal
graubünden stimulescha ed enritgescha il corp, il spiert e l'olma. Giasts ed abitants dal Grischun chattan serenitad, armonia ed inspiraziun en in mund muntagnard stimulant e sublim. Ma eir survista, cunscienzia e respunsabiltad per il vardaivel e degn da vegnir mantegnì. Ins as gudagna chapientscha e distanza.
visiunari
graubünden patratga da maniera cumplessiva e a lunga vista. g tschertga adina ina posiziun superiura ed ina vista raschunaivla e valaivla da las chaussas. g è innovativ, avert a las pretensiuns dal futur ed al niev – premess che quai correspundi a sias maximas e finamiras a lunga vista.
