Pertge ch'ins vul far part.
Plivalurs
Collavuraziun cun la marca graubünden.
Tschintg buns motivs
La marca graubünden è enconuschenta e relevanta
En cumparaziun cun la concurrenza da las Alps ha il Grischun la reputaziun la pli positiva tar la populaziun svizra. Studis regulars e mesiraziuns da l'effect conferman questa posiziun.
Cuntinuar cun la retschertga davart la reputaziun ed il grad d'enconuschientscha dal Grischun.
graubünden multiplitgescha la percepziun
La marca graubünden promova destinaziuns, interpresas e marcas pitschnas sco grondas, existentas ed en svilup cun communitgar lur prestaziuns vers anen e vers anora. Uschia profitan ellas da la participaziun ad ina totalitad pli gronda e pon spargnar custs grazia als effects da sinergia.
graubünden è maun en maun cul progress
Cun il nov mund da marca graubünden stattan partenarias e partenaris e clients en il center. La marca ha renovà sia cumparsa cun mantegnair la sumeglientscha da sasez e creà en quest connex spazis da svilup pli gronds per ils concessiunaris.
graubünden colligia e abilitescha
La marca graubünden augmenta tras mesiras da communicaziun sur il lieu Grischun la visibilitad e l'enconuschientscha da ses partenaris. Il Grischun collia ils partenaris, concentra lur forzas e creescha relaziuns tranter els e cun terzs. Tras scolaziun e coaching abilitescha la marca graubünden ses concessiunaris en connex cun l'applicaziun dal design da la marca regiunala.
graubünden creescha resilienza
Regiuns e destinaziuns valan u sco resilientas u resistentas, sch'ellas dumagnan lur concurrents en tschintg secturs: tar la clerezza da la purschida, tar il cumbat per il premium da prezi, tar la cuminanza da fans, tar la confidenza en l'abilitad per l'avegnir sco er tar l'experientscha emoziunala da la marca. La marca graubünden posseda tut quests attributs.
