Trais linguas – ina marca

En vista a quest fatg ans essan nus tschentads la dumonda co che nus possian dar – ensemen cun nossa rait da partenarias e partenaris – dapli paisa, preschientscha e visibilitad a la trilinguitad sco part da la DNA dal chantun. En collavuraziun cun circa 20 represchentantas e represchentants da las regiuns ed organisaziuns linguisticas sco er dal cussegl da marca dal Grischun, avain nus creà la basa concepziunala che vegn messa a disposiziun a tut las persunas interessadas en furma d'in «valischa d'utensils» pratic per il diever da mintga di.

• La trilinguitad è in element essenzial da la DNA dal Grischun 
• La trilinguitad genuina vivida è in segn da distincziun nuncopiabel 
• Ella furnescha istorgias captivantas e differenziantas per la communicaziun 
• Ella creescha experientschas autenticas che vegnan tschertgadas adina dapli umans (tendenza dal turissem da resonanza)  
• La trilinguitad rinforza l'identificaziun ed il sentiment d'appartegnientscha – er da collavuraturas e collavuraturs d' autras regiuns linguisticas  
• Igl è superbi dals umans d'esser part da la cultura multifara e vivida  
• La trilinguitad augmenta l'attractivitad sco lieu d'abitar, da lavur e da vacanzas multifar

La distincziun da la trilinguitad en connex cun la marca graubünden è resultada en ina gruppa da focus cun ca. 20 commembras e commembers dal turissem, da la cultura, da la promoziun da la lingua, da la furmaziun e da l'economia – persunas da tut las regiuns linguisticas (guarda la glista qua sutvart).  

La finamira communabla è quella da dar dapli paisa, dapli preschientscha e visibladad a la trilinguitad en il rom da la gestiun da la marca.

Per l'integraziun simpla da la trilinguitad vegn elavurada en il portal da la marca en il nov chapitel «lingua» infurmaziun ed inspiraziun en furma da nossa «valischa d'utensils». En quel chattan ins:

• Infurmaziuns davart ils territoris linguistics
• Atgnadads dals idioms e dals dialects  expressiuns
•  Tradiziuns vivas – viver la lingua
• Persunas – la lingua en l'ureglia
• Links
• Divers moduls
• Exempels inspirants 

La valischa d'utensil viva e crescha cun vus. Annunziai a nus modas da s'exprimer, texts utils, buns exempels e dapli a marke@graubuenden.ch. Cun contribuziuns da e per las utilisadras e per ils utilisaders daventa la valischa d'utensil pli e pli preziusa.  

As laschai inspirar da la valischa d'utensils, empruvai d'integrar las linguas chantunalas a moda ludica – i na sto betg esser perfetg, dentant far plaschair.