Champs d'acziun

La marca graubünden sa caracterisescha tras ses tschep da partenaris/da retschaviders da licenza voluminus e che cumpiglia pliras branschas. Quest potenzial duai vegnir explotaus en il rom dal program da persistenza. Ils partenaris duain profitar in da l'auter. La colliaziun sur il numnader communabel «persistenza» promova il madirar d'in mentalitad, tenor il qual la midada po vegnir promovida cuminaivlamain. Ella activescha in sistem ecologic prezius da capacitads, enconuschientschas spezialisadas, experientschas e skizzas da projects innovativas.

L'evaluaziun da mesiras crediblamain persistentas, la qualificaziun e la colliaziun tranter ils partenaris per ina transfurmaziun persistenta sco er la concentraziun e la communicaziun da quests projects premetta tant resursas sco er la cumpetenza. Ultra da quai duai vegnir creà in post da consultaziun cumpetent che stat a disposiziun en moda cusseglianta, coordinanta (rait) ed evaluanta (cumpass & tracking).

Persistenza è transfurmaziun – tut quels che vulan dar la tempra a la marca graubünden duain participar. Sbassar emissiuns, schanegiar resursas, furmar a moda pli persistenta chadainas da furniziun, pensar en ciclus da la materia, transfurmar models da fatschenta – i dovra mesiras cumplessivas per cuntanscher finamiras da la persistenza. In cumpass cuminaivel pretenda valurs liantas ed in pensar agil. Cun crear e realisar in cumpass consolidescha la marca graubünden sia via a la marca da confidenza.

Mesiras per se, dentant er la communicaziun a la persistenza èn mo lu d'avantatg per la marca graubünden, sch'il progress dal svilup persistent en la regiun e tar ils partenaris vegn percepì u sch'ins po suandar anc meglier quels. Tracking en furma d'in «meta-monitoring» lubescha a la marca graubünden da communitgar en moda sistematica ed objectiva. 

La communicaziun da la persistenza da la marca graubünden duai metter en vitrina las extra-miglias dals partenaris sco er inspirar auters partenaris per in agir persistent. Schanzas da communitgar las mesiras da persistenza pon vegnir utilisadas cuntinuadamain, sche l'engaschi persistent vegn mess sin il punct e purtà tar las gruppas en mira. La communicaziun ha ina rolla dubla en quest connex: ella trai a niz ils resultats da la midada (progress mesirabels) e promova a medem temp la midada.